Міраслаў Адамчык

***
Скінула лісце
ці прачнецца вясною
дрэўца ля дома.






Вясновая Прыпяць.

Пад катам некалькі здымкаў Марыі ў вобразе інфанты.

Відэафрагмент вечарыны паэтаў WORLD HAIKU ASSOCIATION у касцёле святой Кацярыны, Вільня, 04.10.2009.

***
Марскі ратаўнік,
вось праца пра якую
мару з дзяцінства.




Барса, будка ратаўніка.

З нерэалізаваных праектаў: добра было зрабіць калоду карт з партрэтамі сучасных беларускіх літаратараў. Менавіта сучасных. Скласці так званы “табель а рангах”. З тымі каго з намі няма мы ужо неяк вызначыліся, каго лічыць Асам, каму па таленту мейсца ў шасцёрках, а хто і на двойку не напрацаваў. Хіба што Скарыну — Джокерам пакінуць.
А з сучаснымі пісарамі будзе праблема, у “трояшнікі” сучбеллітаратуры большасці творцаў трапляць не ахвота, прызвычаіліся да эўфемізмаў, кшталту, “лепшы празаік новай гэнэрацыі”, “знакаміты блогер”, або да званняў і пасад, кіраўнікі саюзаў, галоўныя рэдактары перыёдыкі, някляевы-пашкевічы-пятровічы… , якая там літаратура, так званая “сакратарская”, і ў калоду пройдуць, як пасрэдная драбяза, або наогул, мейсца на такіх дзеячаў не хопіць. У стосе карт – усяго 54, а каля беллітаратуры трэцца чалавек пяцьсот.




Праект цяжкі для рэалізацыі. Літаратурных каралёў і валетаў я наздымаў, але ж траякоў не хапае…
..

***
На мой густ, дранікі з кабачка смачнейшыя за дранікі з бульбы. Дранікі з кабачка – восеньскія, а дранікі з бульбы – вясновыя, бо смачнейшыя са старой “крухмальнай” бульбы.
Сёння мама папрасіла завесці яе на дачу і памагчы сабраць ураджай часнаку. Я люблю маміны восеньскія нацюрморты: яблыкі, гарбузы, кабачкі, ды лук з часнаком.




Звычайны мамін восеньскі нацюрморт, кабачок з часнаком.

Праведаў маму, пераказваў навіны з інэту і згадаў, што Валодзя напісаў пра Глобусаў. Мама захвалявалася і пачала распытваць, што дакладна Валодзя напісаў пра яе прозвішча. http://adam-hlobus.livejournal.com/646138.html
Давядзецца раздрукаваць напісанае і занесці маме на зверку.




Ніна Уладзіміраўна Глобус, 19.10.2009.

***
Кладка праз рэчку
хісткая . Сцеражыся
восеньскай вады.




Рэчка Іслач пад Ракавам, 17.10.2009.

Прыблізна гэтак Еўропа, Расія і Беларусь дзеляць нетра Сібіры.

Эскіз пано “ФОТАТАШЫЗМ”.