Міраслаў Адамчык

Паўлін – прыгожая птушка з непрыемным голасам.




У Барселоне наздымаў дзіўных пташак, а ідэнтыфікаваць большасць не здолеў. Пад катам тры пташкі, якіх ня ведаю.

***
Шэрая чапля
са зламаным крылом і
восеньскі холад.

На паэтычным фэсце сусветнай асацыяцыі хайку ў Літве з японскіх паэтаў і перакладчыкаў самым прыкметным і яскравым быў Акіра Такенамі (Akira Takenami ). Пісьменнік, фатограф, блогер і кінарэжысёр. Заўсёды ўскудлачаны, экстравагантна апрануты ў мужчынскія кімано, заўсёды з камераю ў руцэ і ветліваю ўсмешкаю на твары. Кнігі і фотаальбомы Акіры паспяхова прадаюцца ў Японіі. Кіно і некалькі кніг Акіра прысвяціў сваёй хатняй котцы Ноле.

З дазволу Акіры пераклаў некалькі хайку паэта.

***
Шолахі снегу
кранулі сэрца, калі
паваліўся кедр.

***
The sound of snow
reached its core,
the cedar falls

***
Зімовыя вят-
рыскі счапіліся на
люднай вуліцы.

***
A cold wintry wind
bites another on
the busy streets.

***
Працінае мур
белы зімовы подых
на захад і ўсход.

***
Breaking the wall,
white breath into
the west, the east.

Вільня! Хочацца пісаць з клічнікам. У Вільні заўсёды лёгка ходзіцца з камераю, быццам Вільня выбудавана як цэльная фотадэкарацыя.




Віленскае восеньскае барока.

***
Кастрычнік! Нёман
і нават качкі колеру
кастрыцы.

Па замове дызайн-студыі зрабіў пано са свайго здымка, 2,80 на 1,70 метра. Заўтра заказчык прымае працу – хвалююся, як быццам экзамен здаваць.




Фрагмент выявы спачывальні з маім дэкаратыўным аздабленнем.

Японская паэтка Хікары Кумоі ( Hikari Kumoi ) у Друзгеніках каля плота з хайку, 03. 10. 2009. Злева, з беларускім сцягам, мая хайку.

***
Бягу пад дажджом,
абмінаю лужыны,
дзірка ў красоўках.




Такую нечаканую інсталяцыю падрыхтавалі арганізатары паэтычнага фэсту.

***
Паэтычны фэст,
а поруч Нёман патанае
ў тумане.

***
Восеньскі туман
над віленскім стадыёнам,
вежа “Бабілон”.



Вільня, 07.10.2009.

***
Брат заўважыў, што з усіх здымкаў, найлепшымі, я лічу адно апошнія, як быццам раблю аднадзённую газету.

За мінулы тыдзень атрымаў тры прыемных прэзента ад Вільні.

***
У віленскім выдавецтве VAGA выйшаў паэтычны зборнік “Druskininkai Poetic Fall 2009” з маімі хайку па беларуску, і ў перакладах Артураса Шыланскага на літоўскую і ангельскую мовы.



***
На паэтычным фэсце хайку — World Haiku Association Conference 2009, давялося чытаць вершы ў касцёле святой Кацярыны. Здымкі з маім выступленнем не атрымаліся, (выпадкова выключыў камеру), але застаўся ўспамін пра ўрачысты і святочны настрой!

***
І нечаканы падарунак атрымаў учора ад сябра Сяргея — скрыню выдатнага італьянскага віна! Вельмі кранула, бо разумею, што падарунак ад шчырага сэрца, і я цяпер ў разгубленасці, як-калі-чым аддзячыць. Пару бутэлек пакіну выпіць разам на Радзіме на нашае сяброўства! З доўгай дарогі шклянка чырвонага віна лепшы сродак зняць стому.